Girji lea Dieđut publikašuvdna maid
Sámi allaskuvlla rektor Jelena Porsanger ja
professor Gunvor Guttorm leaba doaimmahan.
Dát lea artihkalčoakkáldat mas dieđalaš čállosiid bokte váldá ovdán earret eará daid fáttaid, gávdnogo riektesuodjalus árbedieđuide?, mii lea “riekta” ja “boastut” vurkenbarggus Sámis? ja makkár bealit servodatvuogádagas sáhttet leat árbedieđuide áittan?.
Girji lea čállon eaŋgalasgillii, muhto álgosátni lea sihke sáme- ja eaŋgalasgillii.
Viiddis geavahanguovlu
Čállosat leat oaivvilduvvon studeanttaide, dutkiide, oahpaheddjiide, politihkkariidda, musea- ja arkiivabargiide ja eará berošteddjiide. Čállosat sáhttet maid leat buorrin álgun árbediehtu-fágasuorggi nanusmahttimii.
Máŋgga guovllu boađus
Girjji huksemii leat máŋga guovllu ja báikkálaš árbečeahpit vuođđun. Árran – julevsáme guovdásj, Saemien Sijte, RiddoDuottarMuseat, Mearrasámi diehtoguovddáš ja Sámi allaskuvla leat prošeavtta ovttasbargoásahusat. Čoahkkáigeasut leatge dan dihte čállon sihke davvi-, mátta- ja julevsámegillii.
Viidásit bargu
Árbediehtu-pilohtaprošeakta lea leamašan doaimmas gaskal jagi 2008 ja 2011 norgga beal Sámis, muhto prošeakta ii leat loahpahuvvan dása. Viidáset lea evttohuvvon ahte prošeakta jotkojuvvo njeallje jagi prográmmain. Dán prográmmas leat buot ovttasbargoguoimmit mielde. Lea maid evttohuvvon ahte prošeakta áiggi mielde viiddiduvvo davviriikkalaš prošeaktan.
Girjji sáhtát diŋgot Sámi allaskuvllas: telefovdna: (+47) 78 44 84 00,
e-boasta:
postmottak@samiskhs.no, Porto boahtá lassin.
Sámi allaskuvla lea almmuhan Dieđut 1/2011 “Working with Traditional Knowledge: Communities, Institutions, Information Systems, Law and Ethics.” girjji. Girji lea okta boađus Árbediehtu-pilohtaprošeavttas. 
Loga eambbo