Banner
054
050
036
034
030
Banner2
09
13(2)
023
IMG_0871
IMG_1012
IMG_1151
IMG_1449
IMG_3938

Árbediehtu-prošeakta almmuha dá ođđa neahttasiiddu, www.arbediehtu.no. Dán neahttasiiddus gávnnat feara makkár áššiid mat gullet prošeavtta barggu vuollái.

Mii hálidit fállat ulbmiljovkui/gehččiide iešguđetlágan resurssaid maid sáhttet ávkkástallat iežaset barggus árbevirolaš máhtuin mii guoská lundui.

Neahttasiiddu galggašii šaddat ávkin sidjiide geat barget árbevirolaš máhtuin, máhttoaddiide, hálddašeddjiide, mánáidgárddiide, vuođđoskuvlii, alit oahpahussii. Neahttasiidu lea sámegillii ja dárogillii, muhto almmuhuvvo dađistaga eŋgelasgillii maid. Leat Árbediehtoprošeavtta webráhkadeaddjit geat leat ráhkadan siiddu ja sisdoalu gis leat prošeavtta fágabargit buvttadan.

 

govva neahttasiiddus

 

Norggá kulturráđđi áigu várret 2 mill. ru. prošeavttaide mat barget immateriála kulturárbbiin, dasgo immateriála kulturárbi lea vuoruhuvvon fáddá Kulturgáhttema foanddas 2015-2018is. Immateriála kulturárbi fátmasta maiddái árbevirolaš máhtu, ja mii hástalit sámi ásahusaid ja earáid ohcat doarjaga buriid prošeavttaide omd. sámi árbevirolaš máhtu dokumenteremis ja gaskkusteapmis.

Árbediehtu-doahpaga sáhttá dárogilli jorgalit tradisjonell kunnskap. Árbediehto-prošeavtta historjá álggii 2008:is. Sámi allaskuvla álggahii árbevirolaš máhtu pilohtaprošeavtta, maid FAD ja Sámediggi ruhtadedje 2008is 2011 rádjái. Pilohtaprošeakta lei definerejuvvon kapasitehtaovdánahttinprošeaktan sámiid eamiálbmogin. Maŋŋil pilohtaprošeavtta, de ráhkadii Sámi allaskuvla prošeaktaplána ja bargoprográmma árbediehtováldoprošektii. Das lea 4 jagi prošeaktaáigi, 2012-2015.

loader

Dálkemearkkat

Go áldu njoalu miesis siiddus, de leat stuora arvvit boahtime.

 

Girjegáldu: Dovdda čuođi diidda

Davvi Girji OS 2003

Čálii: Ellen Brita Anti

FUOM! Dán girjjis lea gildon atnit maidege lobitkeahttá

Jus baján álgá čeargut oarjjil ja manná nuorttas guvlui, dalle šaddet čoaska dálkkit.

 

Girjegáldu: Girjjo-Gárjjo

Davvi Girji OS 2001

Čálii: Garen Elle Gaup

Go beana geasaša bađa eatnama mielde, de lea nuoskkes dálkkit boahtime.

 

Girjegáldu: Dovdda čuođi diidda

Davvi Girji OS 2003

Čálii: Ellen Brita Anti

FUOM! Dán girjjis lea gildon atnit maidege lobitkeahttá

Ođđajagibeaivvi, jus dalle leat almmis ollu násttit, de šaddet ollu luopmánat dan jagi. Jus fas almmis leat unnán násttit, dalle šaddá galbma geassi. Ferte geahččat guđe guovllus leat eanemus násttit čoahkis, doppe maid šaddet ollu luopmanat.

 

Girjegáldu: Girjjo-Gárjjo

Dávvi Girji, Kárášjohka 2001

Čálii: Gáren Elle Gaup

Suvveijat(suv-ijat) leat golbma. Suv-ijat leat maŋŋil cuoŋománnu 14, 15 ja 16 beivviid. (Suvvet mearkkaša  faskut eret muohttaga). Mo dálki lea maŋemus suv-ija, de dákkar dálkkit šaddet giđđii. Jus obanassiige suv-ijat leaš buolaš, de dán golbma beaivvi galgá geardut ovcciin (3x9=27). Galbma dálkkit bistet nappo 27 jándora. Dán beaivve rájes, dahje bistet goit Irjan-beaivvi rádjái. Šaddet galbma, heajos giđđadálkkit.

 

Girjegáldu: Girjjo-Gárjjo

Dávvi Girji, Kárášjohka 2001

Čálii: Gáren Elle Gaup

Irjanbeaivvi lea cuonománu 22.beaivvi.

 

Girjegáldu: Girjjo-Gárjjo

Dávvi Girji, Kárášjohka 2001

Čálii: Gáren Elle Gaup

Miessemánu 1.beaivvi lea Válborbeaivi. Dalle lea dávjá borgadálkkit, eai biste nu guhká, man gohccodit miesašborgan. Makkár dálki lea Válborbeaivvi, de dakkár dálki galggašii mahkáš bistit gida miehtá.

 

Girjegáldu: Girjjo-Gárjjo

Dávvi Girji, Kárášjohka 2001

Čálii: Gáren Elle Gaup

Makkár dálki lea Mihcamárbeaivvi, de dakkár dálki dahje sullasaš dálkkit bistet gitta Jágátbeaivái mii lea suoidnemánu 25.beaivvi.

 

Girjegáldu: Girjjo-Gárjjo

Dávvi Girji, Kárášjohka 2001

Čálii: Gáren Elle Gaup

Jieknaváldinbiegga leat biekkat mat lávejit álgogeahccin geassemánu. De bossot garra biekkat.

 

Girjegáldu: Girjjo-Gárjjo

Dávvi Girji, Kárášjohka 2001

Čálii: Gáren Elle Gaup

Cakcamánu 29.beaivvi. Jus dál borgá moadde jándora, de šaddá čáppa skábma. Jus nástegovva Lodderáidalas oidno hui šearradit, de dalle boahtá ollu muohta dan dálvvi.

 

Girjegáldu: Girjjo-Gárjjo

Dávvi Girji, Kárášjohka 2001

Čálii: Gáren Elle Gaup

Diehtosiida, Hannoluohkka 45, N-9520 Guovdageaidnu/Kautokeino | Org.nr. 971 519 363

sami allaskuvla logo

aimmuin.no logo

 Facebook ikon   Twitter ikon

Go to top